ფრანგული და ესპანური გამოცემები იუწყებიან, რომ ზინედინ ზიდანსა და კილიან მბაპეს შორის კომუნიკაცია შედგა.

ზიზუმ თანამემამულეს აუხსნა, რომ 2021 წლის ზაფხულიდან კილიანი მისი გუნდის უდავო ლიდერი და მთავარი ფიგურა უნდა გახდეს.

ამ მიმართვით ზიდანმა კიდევ ერთხელ მოუწოდა მბაპეს „პსჟ“-სთნ კონტრაქტის გახანგრძლივებისგან თავის შეკავების თაობაზე.

პარიზელები მაქსიმალურად ცდილობენ მსოფლიო ჩემპიონზე ზეწოლას და ახალ ხელშეკრულებაზე დაყოლიებას, თუმცა ჯერ-ჯერობით კილიანი ყველანაირ შემოთავაზებაზე უარს აცხადებს.

მბაპეს მამა პირად საუბრებში პირდაპირ აცხადებს, რომ მისი შვილის მომდევნო კლუბი „რეალი“ იქნება. ასევე ვრცელდება ინფორმაცია, რომლის მიხედვითაც, ეს ადამიანი ფლორენტინო პერესსაც 2-ჯერ შეხვდა.