დევიდ ბექჰემის მაიამის „ინტერი“ უკვე დიდი ხანია სატრანსფერო ბაზარზე აქტიურობს. ამერიკული კლუბის ახალი მიზანი სერხიო რამოსია.

ინგლისელი ლეგენდა ყველაფერს გააკეთებს იმისათვის, რომ სერხიოს დაყოლიება შეძლოს და კაპიტანი სათამაშოდ MLS-ში წავიდეს.

ესპანური გამოცემების ცნობით, რამოსი „რეალთან“ კონტრაქტს აუცილებლად გაახანგრძლივებს, თუმცა ამის მიუხედავად, ბექჰემი აქტიურობის შეწყვეტას არ აპირებს და თუნდაც 2022 ან 2023 წელს ეცდება ესპანელის შეერთებულ შტატებში გადაყვანას და საკმაოდ მაღალი ხელფასის შეთავაზებას.

ამ ეტაპზე მაიამის „ინტერი“ ფეხბურთელისა და „ბლანკოსის“ ურთიერთობას ინტენსიურად აკვირდება.