ლუკა იოვიჩისა და ზინედინ ზიდანის ურთიერთობა ვერა და ვერ დარეგულირდა. სერბი ფეხბურთელი მეტ სათამაშო დროს ითხოვს, ზიდანი კი სრულ ნდობას ბენზემას უცხადებს და ექს „აინტრახტელს“ არ ენდობა.

„მარკას“ ცნობით, ზიზუმ იოვიჩს ახალი კლუბის მოძიება და იჯარით წასვლა სთხოვა.

ზინედინი მზად არის, იოვიჩი 6 თვიანი იჯარითაც გაუშვას, თუ მას იანვარში მსურველი გამოუჩნდება.

იოვიჩი „რეალში“ აბსოლუტურად ვერ თამაშობს, რაზეც ის სტატისტიკაც მეტყველებს, რომელიც ფეხბურთელს აქვს.

22 წლის ფეხბურთელს მიმდინარე სეზონში შესაძლო 900-იდან მხოლოდ 201 წუთი აქვს მოედანზე გატარებული, საიდანაც 142 წუთი ლა ლიგაზე, მოდის, ხოლო დანარჩენი 59 ჩემპიონთა ლიგაზე.

ლუკას ამ სეზონში არ გაუტანია არცერთი გოლი და ასევე არ გაუკეთებია არცერთი საგოლე გადაცემა. მისი მარგი ქმედების კოეფიციენტი ფაქტობრივად ნულის ტოლია.

ასევე აღსანიშნავია TransferMarkt-ის მონაცემები, სადაც იოვიჩის ფასი ამ ეტაპზე 25 მილიონი ევროა, სულ რაღაც 1 წლის წინ კი „ბლანკოსმა“ მოთამაშე 60 მილიონად შეიძინა.