მარკო ასენსიო „რეალის“ ძირითადი შემადგენლობის ფეხბურთელად მოიაზრება, მაგრამ უნდა აღინიშნოს, რომ ესპანელი ფეხბურთელის მარგი ქმედების კოეფიციანტი ძალიან დაბალია.

სეზონიდან დაწყებიდან დღემდე მარკომ 8 მატჩი ჩაატარა, მის ანგარიშზე 527 წუთია, მაგრამ ამ ხნის განმავლობაში ახალგაზრდა შემტევმა ვერცერთი გოლის გატანა ვერ შეძლო, ასევე ნული წერია მის „ასისტების“ გრაფაში.

იგივე ვინისიუს ჟუნიორს უკვე 3 გოლი და 1 საგოლე გადაცემა აქვს მითვლილი, როდრიგოს 3 საგოლე გადაცემა და 1 გოლი, თანაც იმ ფონზე, რომ 200 წუთზე ცოტა მეტი აქვს ნათამაშები.

ფაქტია, რომ ზიზუ გათვლას მარკოზე აკეთებს, თუმცა ასენსიო ჯერ-ჯერობით ვერ აჩვენებს იმ ხარისხის ფეხბურთს, რომელსაც მისგან ყველა მოითხოვს.