ზინედინ ზიდანსა და მადრიდის „რეალის“ პრეზიდენტს, ფლორენტინო პერესს შორის გაუგებრობაა. საქმე ეხება სამეფო კლუბის მომავალ ფორვარდს, რომელიც საბოლოო ჯამში კარიმ ბენზემას ჩაანაცვლებს. ამ ეტაპზე ფრანგი მოთამაშე უალტერნატივოა, მაგრამ უნდა აღინიშნოს, რომ ის ასაკშია და მალე მოუკლებს.

ფლორენტინო პერესი ერლინგ ჰოლანდში კარიმის შემცვლელს ხედავს. ნორვეგიელი ფორვარდი გოლს გოლზე იტანს და მთელ მსოფლიოს აოცებს.

ზიზუს აზრით, „ბლანკოსის“ სტილს ლაუტარო მარტინესი უფრო შეესაბამება, ვიდრე ჰოლანდი. ლაუტარო უფრო მოძრავი და ტექნიკურია, თუმცა საშემსრულებლო ოსტატობის მხრივ ჰოლანდი ალბათ ერთ-ერთი საუკეთესოა.

ჯერ-ჯერობით უცნობია, რომელი მხარე მოიგებს „შიდა ბრძოლას“, მაგრამ ფაქტია, რომ „რეალის“ ხელმძღვანელებსა და ფრანგ ლეგენდას შორის აზრთა სხვადასხვაობაა.