გუშინ საღამოს მადრიდის „რეალის“ პრეზიდენტმა „ინტერის“ დელეგაციას უმასპინძლა.

ესპანური გამოცემების ინფორმაციით, მხარეებმა ლუკა მოდრიჩის „ინტერში“ შესაძლო გადასვლის საკითხიც განიხილეს და გარკვეულ პოზიციებზე შეჯერდნენ.

ჯერ-ჯერობით უცნობია, რას აპირებს პერესი ლუკიტასთან დაკავშირებით, თუმცა უნდა აღინიშნოს, რომ ნახევარმცველს ზინედინ ზიდანის სრული მხარდაჭერა აქვს. ფრანგი ლეგენდა თვლის, რომ მოდრიჩი კლუბში მომდევნო სეზონშიც უნდა დარჩეს, ვინაიდან ის შესანიშნავ ფიზიკურ კონდიციაში იმყოფება.

იმ შემთხვევაში, თუ ლუკა მომდევნო სეზონშიც „მერენგების“ რიგებს დაიცავს, „ინტერი“ მის დამატებაზე ინტერესს აღარ გამოთქვამს.