ოთხწლიანი პაუზის შემდეგ მადრიდის "რეალის" ლეგენდარული ფეხბურთელი ზინედინ ზიდანი, ბერნაბეუზე დაბრუნდა. მან გუშინ დაამტკიცა, თუ რატომ არის უნიკალური ფეხბურთელი. "ზიზუმ" მთელი მატჩი მაღალ დონეზე ჩაატარა და ვერავინ იტყოდა, რომ ეს ლეგენდა ვეტერანია.

სანტიაგო ბერნაბეუ გუშინ მთლიანად შეივსო. როგორც იცით ეს მატჩი საქველმოქმედო იყო, თუმცა ფანები აქ ორი გალაქტიკოსის, ლუის ფიგუსა და ზინედინ ზიდანის თამაშის სანახავად მოვიდნენ.

ზიდანის გუშინდელ თამაშს შეგვიძლია ვუწოდოთ: ელეგანტური, სწრაფი, ზუსტი... ფრანგი ლეგენდა ისე ამწვავებდა სიტუაციებს, რომ მომენტის დასრულების შემდეგ გულშემატკივრები მას ფეხზე წამოუდგებოდნენ და ტაშს უკრავდნენ.