ლუკას ვასკესი „ინტერთან“ მატჩში ერთ-ერთი ყველაზე სუსტი ფიგურა იყო, ვინაიდან დაცვით ფუნქციებს სათანადოდ ვერ ასრულებდა. ესპანელმა მოთამაშემ კონტეს გუნდთან დაპირისპირების შემდეგ ჟურნალისტებთან ისაუბრა...

„მე მცველი არ ვარ , თუმცა შემიძლია ყველგან ვითამაშო, სადაც ზიდანი მეტყვის. რა თქმა უნდა, თავს კომფორტულად წინ ვგრძნობ, მაგრამ გააჩნია გუნდის საჭიროებას.“

„დიახ, ყველაფერი კარგად იყო. ჩვენ 2:0-ს ვიგებდით, მაგრამ „ინტერტმა“ გოლის გატანა შეძლო და გუნდს მოტივაცია მიეცა.“

„რთულ ჯგუფში ვართ. 3 ტურის შემდეგ არც ისე სახარბიელო შედეგი გვაქვს, მაგრამ უნდა აღინიშნოს, რომ წინ კიდევ 3 ტურია დარჩენილი, სადაც „რეალი“ 100%-იანი შედეგის ჩვენებას და პირველ ადგილზე გადასვლას შეეცდება.“