ვრცელდება ინფორმაცია, რომლის მიხედვითაც, მადრიდის „რეალის“ პრეზიდენტი, ფლორენტინო პერესი პაოლო დიბალას კანდიდატურით სერიოზულად ინტერესდება და ფეხბურთელის აგენტთან პირველი კომუნიკაციაც შედგა...

არგენტინელ ფეხბურთელს „რეალში“ გადასვლის პერსპექტივა ხიბლავს.

რამდენიმე დღის წინ იტალიურმა გამოცემებმა გვაუწყეს, რომ „ბლანკოსი“ „იუვენტუსის“ მოხიბვლას ვინისიუს ჟუნიორითა და ისკო ალარკონით გეგმავს. ეს უკანასკნელი ანდრეა პირლოს ფავორიტია.

თუ ფეხბურთელის მხრიდან სრული მზაობა იქნება, პერესი ეცდება, რომ 2021 წლის ზაფხულში პაოლო მადრიდისტა გახადოს.

წინასწარი ინფორმაციით, „ბლანკოსი“ შემტევს 6 წლიან კონტრაქტს შესთავაზებს.