კარიმ ბენზემამ „უესკასთან“ შესანიშნავად ითამაშა. ფრანგმა ფეხბურთელმა 2 გოლთან ერთად საგოლე გადაცემაც ჩაიწერა აქტივში.

„„დი სტეფანოზე“ ჩვენი კლუბის აშკარა დომინაცია შეიმჩნეოდა. ეს იყო მატჩი, სადაც ყველაფერი ჩვენი კარნახით მიმდინარეობდა და დამსახურებული გამარჯვებაც მოვიპოვეთ.“

„დიახ, ჩვენ გვაკრიტიკებენ, მაგრამ შეხედეთ შედეგებს. ჩვენ პირველ ადგილზე ვართ და საკმაოდ კარგი სტატისტიკაც გვაქვს.“

„ვაპირებ, რომ ბევრი გოლი გავიტანო და სხვა მხრივაც დავეხმარო გუნდს. ჩემთვის ძალიან მნიშვნელოვანია ყველა მატჩი, რომელსაც ამ მაისურით ვთამაშობ.“

„ლა ლიგის მოქმედი ჩემპიონები ვართ და ამ ტიტულის დაცვას ვაპირებთ.“

„გუნდი „ინტერთან“ მატჩზე ხვალიდანვე გადაერთვება. ვიცით, რომ ჯგუფური ეტაპი ცუდად დავიწყეთ, მაგრამ სიტუაცია მართვადია. დიახ, ყველაფერი ჩვენზეა დამოკიდებული. მესამე ტურს აუცილებლად მოვიგებთ და ყველაფერს შევცვლით.“