ზინედინ ზიდანს ძალიან ცუდი ინფორმაცია ამცნეს. ჩემპიონთა ლიგის მატჩის წინ მოვლენების მსგავსი განვითარება ფრანგი სპეციალისტის გეგმებში არცერთ შემთხვევაში არ შედიოდა.

ლუკას ვასკესის ფერლან მენდით ჩანაცვლება ესპანელი ფეხბურთელის ტრავმამ განაპირობა.

ამ წუთებში ესპანელი ფეხბურთელის მარჯვენა ფეხზე ექიმების დაკვირვება მიმდინარეობს.

დიდი ალბათობით 24 საათში ვასკესს სამედიცინო შემოწმებას ჩაუტარებენ. წინასწარი დაკვირვების მიხედვით, ის „ინტერთან“ ხელმისაწვდომი ვერ იქნება.

გამოდის, რომ „რეალს“ მარჯვენა მცველი ფაქტობრივად აღარ ჰყავს. საუკეთესო ვარიანტში ალვარო ოდრიოზოლა დაბრუნებას მოასწრებს, ვინაიდან ის გუნდთან ერთად გარკვეულ დატვირთვებს უკვე იღებს, სხვა ვარიანტში კი ზიზუს ფერლან მენდის კვლავ მარჯვნივ გამწესება მოუწევს, რაც იმას ნიშნავს, რომ მარცხენა ფლანგს კვლავ მარსელო ჩაიბარებს.