ზინედინ ზიდანმა „უესკასთან“ მატჩის წინ პრესკონფერენცია გამართა.

„წინ ძალიან მნიშვნელოვანი მატჩი გვაქვს. დიახ, ჩვენს წინაშე იქნება გუნდი, რომელმაც ბოლო დროს საგრძნობლად მოუმატა და გაცილებით უკეთესი შედეგები აქვს. „უესკა“ გამტან კოლექტივად ჩამოყალიბდა. ფაქტი ის არის, რომ „რეალის“ მიზანი ჩემპიონობაა, ამიტომ 3 ქულა უნდა მოვიპოვოთ, ჩვენ არ გვაქვს შეცდომების დაშვების უფლება.“

„ბენზემასა და ვინისიუსს შორის არანაირი დაპირიპირება არ არსებობს. ეს არის ჩემი ბოლო განცხადება აღნიშნულ საკითხთან დაკავშირებით. კომფლიქტი ჟურნალისტების მოგონილია. ბრაზილიელი და ფრანგი მეგობრები არიან. ზოგადად, ჩვენს შიდა სამზარეულოზე ღიად არასდროს ვსაუბრობთ, მაგრამ აქ განსაკუთრებული არაფერია. რადგან ასე ხშირად გვახსენებენ, ესეიგი ცოცხლები ვართ და ეს კარგის ნიშანია.“

„როგორც ვინი, ასევე კარიმი ხვალინდელ დაპირისპირებაზე ფიქრობენ, ისინი ყოველთვის ბოლომდე იხარჯებიან ერთმანეთისთვის.“

„არ ვისაუბრებ „ინტერთან“ დაპირისპირებაზე. ჩვენ მხოლოდ ლა ლიგაზე ვაკეთებთ აქცენტს და ვეცდებით, რომ „უესკასთან“ დაპირისპირებას ისე მივუდგეთ როგორც ფინალს. ჩემპიონთა ლიგაზე სწორედ მას შემდეგ გადავერთვებით, რაც ლა ლიგის მომდევნო ტური დასრულდება.“

„ედენ აზარი თავს შესანიშნავად გრძნობს. ბედნიერი ვარ, რომ ბელგიელი წინახაზელი ყველა დავალებას პირნათლად ასრულებს, ის ეტაპობრივად მოუმატებს და საბოლოო ჯამში გუნდისთვის ძალიან მნიშვნელოვანი გახდება. ყველა დარწმუნებული იყო, როდესაც „7“-იანი მოედანზე გასვლას ვერ ახერხებდა. ტრავმები ყოველთვის ცუდი მოვლენაა, ვიმედოვნებ ყველა მოთამაშე მალე დამიბრუნდება.“

„აზარი აუცილებლად მიიღებს შანსს. კალენდარი საკმაოდ დიდია, ამიტომ სათამაშო დროის მხრივ პრობლემები არავის ექნება.“

„ვინისიუსი არის ფეხბურთელი, ვინც ყოველთვის სწავლობს და ინტერესდება, რომ საუკეთესო შედეგი მიიღოს, ამ თვისებას დიდ პატივს ვცემ. ბრაზილიელი „რეალის“ აწმყო და მომავალია, ის აუცილებლად დაიპყრობს მწვერვალებს.“

„სუპერლიგის ფორმატზე ვერაფერს გეტყვით, რადგან ზუსტად იმდენი ინფორმაცია მაქვს, რამდენიც თქვენ. მე არ ვიცი, რა იგეგმება და ზოგადად რაზეა საუბარი.“

„არ აქვს მნიშვნელობა მეტოქე „უესკაა“ თუ „ბარსელონა“. ჩემთვის 3 ქულა 3 ქულაა, ამიტომ ბიჭები ბოლომდე უნდა დაიხარჯონ.“

„ლუკას ვასკესთან დაკავშირებით ახალ კონტრაქტზე სიახლე არ მაქვს. მისი ენერგიულობა ყოველთვის დიდ ძალას გვმატებს“