ესპანური და ჰოლანდიური პრესა აქტიურად იუწყება, რომ მადრიდის „რეალი“ მიზნით მიღწევასთან ძალიან ახლოს არის. ფლორენტინო პერესი ახალი ფეხბურთელის შეძენას იანვარში გეგმავს...

საქმე ეხება „ახალ პოგბას“, რომელიც „აიაქსის“ რიგებში თამაშობს. რაიან გრავენბერხი 17 წლის ასაკში უკვე 190 სანტიმეტრია, საოცარ ფიზიკურ ძალას და ტექნიკას ფლობს.

ამ ასაკის მიუხედავად, ნახევარმცველმა უკვე მიიპყრო მანჩესტერ „სიტის“, მანჩესტერ „იუნაიტედის“, ტურინის „იუვენტუსის“, „ბარსელონას“ და „რეალის“ ყურადღება.

პერესი აპირებს, რომ ყველას დაასწროს და მოთამაშე მადრიდელი გახადოს.

ასევე ცნობილი ხდება, რომ „ბლანკოსი“ „აიაქსს“ შესანიშნავ წინადადებას შესთავაზებს, რომელიც ფეხბურთელის ჰოლანდიაში იჯარით დარჩენას, 2 წლით გაითვალისწინებს.

ესპანური გამოცემების ცნობით, მოლაპარაკებები ბოლო ეტაპზეა.