„მილანს“ ბრაჰიმ დიასის ყიდვა სურს. იტალიური კლუბი ესპანელი წინახაზელის პროგრესით კმაყოფილია და თვლის, რომ „რეალთან“ მოლაპარაკებების დაწყება უპრიანი იქნება.

მოქმედი ხელშეკრულების მიხედვით, დიასი „ბლანკოსს“ 2021 წლის ზაფხულში უნდა დაუბრუნდეს. „მილანი“ სწორედ ამ დროს ეცდება, რომ ფლორენტინო პერესს საინტერესო თანხა შესთავაზოს და თავად ფეხბურთელთან 5 წლიან კონტრაქტს მოაწეროს ხელი.

წინასწარი ინფორმაციით, „როსონერი“ ბრაჰიმის სანაცვლოდ დაახლოებით 35 მილიონიან წინადადებას მოამზადებს.