ლუკა მოდრიჩის აზრით საპანიკო არაფერია, ვინაიდან „რეალს“ ჩემპიონთა ლიგაზე კიდევ 4 მატჩი აქვს ჩასატარებელი.

„დიახ, ჩვენ 2 დაპირისპირებაში მხოლოდ 1 ქულა ჩავიწერეთ აქტივში, მაგრამ საპანიკო არაფერია. წინ კიდევ 4 ტურია ჩასატარებელი, სადაც სიტუაციას მნიშვნელოვნად შევცვლით.“

„ძალიან კარგია, რომ გუნდმა ბრძოლისუნარიანობა გამოავლინა. 85-ე წუთზე ალბათ ვეღარავინ იფიქრებდა, რომ „გლადბახს“ 3 ქულა არ დარჩებოდა აქტივში.“

„ჩვენ მეტი ინტენსივობა, მომენტების მეტი გარდასახვა და მეტი ხარისხის ჩვენება გვმართებს.“

„„ინტერი“ კარგი გუნდია, რომელმაც სეზონი კარგად ვერ დაიწყო. დიახ, „რეალის“ მიზანი 3 ქულა იქნება, მაგრამ კონტეს კოლექტივსაც ანალოგიური სიტუაცია აქვს, ამიტომ დიდ ბრძოლას ველი.“