მადრიდის „რეალის“ ფეხბურთელთა საშუალო ასაკი 27.2 წელია. უნდა აღინიშნოს, რომ ამ კომპონენტში კლუბში მნიშვნელოვანი მატებაა...

კლუბის საერთო მაჩვენებლებში „დაბერების“ პროცესს ხელს უწყობენ სერხიო რამოსი, კარიმ ბენზემა, მარსელო ვიეირა, ლუკა მოდრიჩი და ნაწილობრივ ტონი კროოსიც.

რომ არა ოდრიოზოლასა და ოდეგორის დაბრუნება, ასევე ვინისიუს ჟუნიორის, როდრიგო გოეშისა და ფედე ვალვერდეს ძალიან ახალგაზრდული ასაკი, ჩვენ გაცილებით მაღალ მაჩვენებლებს მივიღებდით.

სამეფო კლუბის ხელმძღვანელობა ხვდება, რომ თაობათ ცვლის პროცესი ახლაც აქტიურ ფაზაში მიმდინარეობს, სწორედ ამიტომ აკეთებს აქცენტს ახალგაზრდა და იმედისმომცემ ფეხბურთელებზე. „ბლანკოსის“ მთავარ სამიზნეებად სწორედ ამიტომ განიხილებიან კილიან მბაპე, ერლინგ ჰოლანდი და ედუარდო კამავიგა. სამივეს ტრანსფერის შემთხვევაში მაჩვენებლები მნიშვნელოვნად გაუმჯობესდება, ვინაიდან ეტაპობრივად კლუბს მოდრიჩი, მარსელო და სხვები დატოვებენ.

იგივე „ბარსელონას“ ამ კომპონენტში მნიშვნელოვანი გაუმჯობესება აქვს. კუმანის გუნდის საშუალო ასაკი 25.1 წელია, რასაც პირველ რიგში ანსუ ფატი, ტრინკაო, დემბელე, პედრი, ალენია, დე იონგი და დესტი განაპირობებენ, რომლებიც აბათილებენ იმ გამოცდილი ფეხბურთელების სიას, რომლებიც მესისგან, პიანიჩისგან, ალბასგან, შტეგენისგან, კოუტინიოსგან, კრიზმანისგან და სხვა მოთამაშეებისგან შედგება.