ესპანური გამოცემების ცნობით, ზინედინ ზიდანი ედენ აზართან დაკავშირებით მაქსიმალურ სიფრთხილეს გამოიჩენს.

მართალია, ბელგიელი მოთამაშე გერმანელთა წინააღმდეგ განაცხადში მოხვდა, მაგრამ მისი მაქსიმუმი 15 წუთი იქნება.

ზიზუს გეგმის მიხედვით, ედენი დღეს 15 წუთს ითამაშებს, ხოლო ლა ლიგის მომდევნო ტურში „უესკას“ წინააღმდეგ დაახლოებით 35 წუთს.

3 ნოემბერს „ბლანკოსის“ მეტოქე ჩემპიონთა ლიგაზე „ინტერი“ იქნება. შესაძლოა ზიზუმ იტალიელებთან მატჩში ედენი ძირითადში დააყენოს და ფეხბურთელმა მოედანზე 65-70 წუთიც დაჰყოს. ეს ყველაფერი დამოკიდებული მის პროგრესზე იქნება.