იმ ფონზე, რომ მადრიდის „რეალში“ სერხიო რამოსის როლი ფასდაუდებელია, მისი კლუბიდან აბარგება ფაქტობრივად წარმოუდგენილია, თუმცა ისიც უნდა ითქვას, რომ „რეალს“ კაპიტანისთვის კონტრაქტი ჯერ კიდევ არ გაუფორმებია, მოქმედ ხელშეკრულებას კი ვადა სულ რაღაც 9 თვეში ეწურება...

ბრიტანული გამოცემების ცნობით, „ლივერპული“ ესპანელ მცველს საოცნებო კონტრაქტს სთავაზობს, რომელიც 3 წლიანი იქნება.

ბუნებრივია, 35 წლის ფეხბურთელისთვის ევროპის ერთ-ერთ გრანდში, სტაბილური კონტრაქტით გადასვლა მიმზიდველი უნდა იყოს, მაგრამ აქ საუბარი რამოსზეა და არა სხვა მოთამაშეზე.

ფინანსური დეტალები ჯერ-ჯერობით ცნობი არ ხდება, თუმცა ცნობილია ის, რომ იურგენ კლოპი დათმობებზე წასასვლელად მზად არის.