კატალონიის „ბარსელონას“ თავკაცს სანქციები ემუქრება, რაც „რეალთან“ მატჩის შემდეგ გამართულ პრესკონფერენციაზე გამოთქმულ სიტყვებს უკავშირდება.

ჰოლანდიელმა სპეციალისტმა დანიშნული პენალტის გამო VAR სისტემა ღიად გააკრიტიკა და განაცხადა, რომ მსაჯები „ბარსელონას“ საწინააღმდეგო გადაწყვეტილებებს იღებენ.

შესაბამისი კომიტეტი ამ გამოსვლას დიდი ალბათობით ორშაბათს განიხილავს და ცნობილი გახდება იმ სანქციის ტიპი, რომელსაც რონალდს დააკისრებენ.