რამოდენიმე საათის წინ დასრულდა შეხვედრა, რომელიც ამხანაგურ ხასიათს ატარებდა, ერთმანეთის პირისპირ ესპანეთის და საუდის არაბეთის ეროვნული ნაკრებები წარსდგნენ. ყველას და გასაკვირად მატჩი თანაბარ ბრძოლაში წარიმართა, თუმცა პირინეელბა კლასისა და გამართლების ხარჯზე, აფრიკელები ფერნანდო ლორენტეს გატანილი გოლის წყალობით დაამარცხეს.

გასულ მატჩში ანგარიში, საუდის არაბეთის ფეხბურთელებმა, კერძოდ კი ჰავსავიმ გახსნა. პირველ წუთებში, იკერ კასილასმა რამოდენიმე კარგი სეივი განახორციელა, თუმცა "ფურია როხას" კაპიტნისა და ხერარდ პიკეს ერთობლივი შეცდომის წყალობით, არაბებმა წინ გასვლა შეხვედრის დებიუტშივე მოახერხეს.

ესპანელებმა წონასწორობის აღდგენა, სულ რაღაც 14 წუთში მოახერხეს, ალარო არბელოას წამოყწყებული შეტევა, ანდრეს ინიესტამ გააგრძელა, ამ უკანასკნელმა დავიდ ვილას მიმსამართით შესანიშნავი გადაცემა შეასრულა, "ვალენსიას" ყოფილმა და აწ "ბარსელონას" ფორვადმაც არ დააყოვნა და მეტოქის კარი მეტად ეფექტური დარტყმით აიღო.

პირველი ნახევარი თანაბარ ბრძოლაში მიილია... მეორე ტაიმში პირინეელები გააქტიურდნენ, ნომინალურ მასპინძელთა შეტევები თანდათანობით მწვავდებოდა... ესპანელთა გააქტიურება, გატანილ გოლში 54-ე წუთზე აისახა, ხაბი ალონსომ მეტოქის კარის მიმართულებით 30 მეტრიდან გაისროლა და შესანიშნავი დარტყმის შედეგად საკუთარი გუნდი წინ გაიყვანა.

რამოდენიმე წუთში, არაბებმა ანგარიშში თანაფარდობა კვლავ აღადგინეს, სალავიმ ხერარდ პიკეს კიდევ ერთი შეცდომით ისარგებლა და მეტოქის კარის მიმართულებით ძალიან ძლიერად დაატყა, იკერ კასილასმა დარტყმულ ბურთზე რეაგირება ვერ მოახდინა, რადგანაც იკერის კარის მიმართულებით გაგზავნილ ბურთს მიმართულება ერთ-ერთმა არაბმა ფეხბურთელმა შეუცვალა.

მიმდინარე მატჩში გადამწყვეტი როლი, ფერნანდო ლორენტემ შეითავსა, რომელმაც 93 წუთზე, ხაბი ალონსოს გადაცემით ისარგებლა და საუდის არაბეთის კარი მესამედ აიღო... ასეა, თუ ისეა, ესპანეთის ეროვნულმა ნაკრებმა დიდი გაჭირვებით, მაგრამ მაინც მოახერხა და საუდის არაბეთი 3-2 დაამარცხა.

ფეხბურთელთა შეფასებები:


კასილასი – 6

სერხიო რამოსი – 6.5

პუიოლი – 6

პიკე – 6

არბელოა – 6

ბუსკეცი – 5.5

სილვა – 7

ხაბი ალონსო – 8 მატჩის საუკეთესო ფეხბურთელი +1

ხავი – 7

ინიესტა – 7.5

ვილა – 7

შეცვლაზე შემოსული ფეხბურთელები:

ხესუს ნავასი – 7

პედრო – 6.5.

მარჩენა – 5

კაპდევილა – 6

ლორენტე – 7

ხავი მარტინესი – N/A