კუმანი:„VAR სისტემა „ბარსელონას“ ქულებს აკარგინებს“
რონალდ კუმანმა „რეალთან“ მარცხის შემდეგ პრესკონფერენცია გამართა...
„ეს იყო თამაში, სადაც ორივე გუნდი ქმნიდა მომენტებს. ჩვენ ბევრი კარგი კომბინაცია გავითამაშეთ და არაერთი გოლის გატანა შეგვეძლო.“
„მეორე ტაიმი „ბარსელონას“ უპირატესობით დაიწყო, რასაც მსაჯების უეცარია გადაწყვეტილება მოჰყვა და პენალტი დაინიშნა. ფაქტია, რომ VAR სისტემა ჩვენს წინააღმდეგ მოქმედებს. უკვე მეორე თამაშში ვკარგავთ ქულებს გაუგებარი გადაწყვეტილებების გამო. გავიხსენოთ „ხეტაფე“, სადაც მართლაც დაუჯერებელ გადაწყვეტილებას ჰქონდა ადგილი.“
„მატჩის მსაჯს ვკითხე, რომ იყო თუ არა მისთვის ის მომენტი პენალტი. რა თქმა უნდა მან მიპასუხა კი, თუმცა დავუფიქსირე, რომ ეს არ გახლდათ არგუმენტირებული გადაწყვეტილება. დროა არბიტრები გარკვეულ პლატფორმასა და ხედვებზე შეთანხმდნენ.“
„ბუნებრივია, „რეალის“ ფეხბურთელები ცდილობდნენ მსაჯების დაბნევას და თერთმეტმეტრიანის მოპოვებას, თუმცა გადამწყვეტი სერხიო რამოსის პროტესტი არ უნდა იყოს.“
- 24 ოქტომბერი 2020
- 6 433
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
