ლუკა მოდრიჩს 24 ოქტომბრის „ელ კლასიკო“ არასდროს დაავიწყდება. ხორვატმა ფეხბურთელმა შესანიშნავი გოლის გატანა შეძლო,მაგრამ გარდა ამისა „ნოუ კამპზე“ ვიზიტი საიუბილეოც გამოდგა...

ლუკიტამ „რეალის“ მაისურიტ 350-ე მატჩი გამართა. აღნიშნული რაოდენობის დაპირისპირების გასამართად ხორვატს 8 წელი დასჭირდა. 2012 წლიდან მოყოლებული ნახევარმცველი „მერენგების“ ღირსებას იცავს და აბსოლუტურად ყველა ჩემპიონატის მოგება შეძლო, სადაც გამოდიოდა. მათ შორის არის ჩემპიონთა ლიგის 4 თასი.

ჩატარებული 350 დაპირისპირებიდან 237 ლა ლიგაზე მოდის, 75 ჩემპიონთა ლიგაზე, 22 სამეფო თასზე, 6 ესპანეთის სუპერთასზე, ასევე 6 მსოფლიო საკლუბო ჩემპიონატზე, 4 კი ევროპის სუპერთასზე.

ჩატარებული დაპირისპირებების მხრივ, ყველაზე ეფექტური სეზონი 2012/13 წლებში დაფიქსირდა, როდესაც მოდრიჩმა 53 მატჩში მიიღო მონაწილეობა.

საერთო ჯამში ხორვატი ნახევარმცველის ანგარიშზე 23 გოლი ფიქსირდება.