ხოსე ანტონიო კამაჩომ მადრიდის „რეალისა“ და „ბარსელონას“ დაპირისპირებაზე ისაუბრა...

„ეს არის ტურნირის უმთავრესი მატჩი. „ბარსელონა“ მოგებას შეეცდება, რადგან საშინაო არენაზე თამაშობს, თუმცა სამეფო კლუბს ზედიზედ მესამე მარცხს არავინ აპატიებს, ამიტომ ზიზუს ბიჭებს მაქსიმალური მონდომება მართებს.“

„რამოსის როლი ძალიან დიდია, ის გახლავთ ლიდერი, როგორც გასახდელში, ასევე მოედანზე.“

„ზიდანის გუნდს აქვს დიდი გამოცდილება, რომელიც უნდა გამოიყენოს და კრიზისული სიტუაცია დაძლიოს.“

„დიახ, „ბლანკოსს“ არ ჰქონია ეფექტური სატრანსფერო პოლიტიკა, მაგრამ გადახედეთ შემადგენლობას. ბევრს აქვს იმის ფუფუნება, რომ შემადგენლობაში ბენზემა, კროოსი, მოდრიჩი, კაზემირო, ასენსიო და სხვა ვარსკვლავები ჰყავდეს?“