თაობები იცვლება, ყურადღებაც სხვა ფეხბურთელებზე გადადის და ეს ბუნებრივი მოვლენაა. ახლა ესპანური გამოცემები არა რონალდუ-მესის, არამედ ვინისიუს ჟუნიორი-ანსუ ფატის დუელზე წერენ. 24 ოქტომბერს ერთმანეთს „ბარსელონა“ და „რეალი“ დაუპირისპირდებიან...

ვინისიუს ჟუნიორმა გასულ სეზონში „ბარსელონას“ გაუტანა და „ელ კლასიკოს“ მოგებაში დიდი წვლილი შეიტანა.

აღსანიშნავია, რომ ბრაზილიელ ფეხბურთელს „ბარსელონას“ წინააღმდეგ საკმაოდ დიდი გამოცდილება დაუგროვდა. ამ მხრივ, ანსუ ფატი მოიკოჭლებს, თუმცა ეჭვი არავის ეპარება, რომ კუმანი ახალგაზრდა წინახაზელს ძირითად შემადგენლობაში თამაშისა და თავის გამოჩენის საშუალებას მისცემს.

„მომავლის ფეხბურთელების ბრძოლა“-სწორედ ასე მონათლეს ხვალინდელი „ელ კლასიკო“ ესპანურმა გამოცემებმა.

არაერთი ექსპერტი მსჯელობს იმაზე, რომ ამ დიდ ბრძოლაში გამარჯვებული სწორედ ის გუნდი გამოვა, რომლის წინა ხაზიც უფრო ზუსტი და თანმიმდევრული იქნება.