კარიმ ბენზემასთვის „შახტართან“ დაპირისპირება ისტორიული გამოდგა. ფრანგი ფეხბურთელი საქმეში მეორე ტაიმში ჩაერთო და ისტორიაც შეცვალა.

კარიმისთვის ჩემპიონთა ლიგაზე ეს მატჩი რიგით 102-ე გახლდათ „რეალის“ მაისურით. ამ მაჩვენებლით ბენზემამ კრიშტიანო რონალდუს 101 მატჩიანი მაჩვენებელი გააუმჯობესა.

ასევე უნდა აღინიშნოს, რომ „9“-იანი „რეალის“ ისტორიაში ჩემპიონთა ლიგაზე ჩატარებული მატჩების რაოდენობის მიხედვით მე-5 პოზიციას იკავებს.

ბენზემა ჩამორჩება რობერტო კარლოსს, რომელსაც 109 მატჩი აქვს აქტივში, მესამე ადგილზე არის სერხიო რამოსი 124 მატჩით, მეორე ადგილზე რაული 132 თამაშით, ხოლო პირველზე იკერ კასილიასი 152 მატჩით.