ლუკა მოდრიჩმა „შახტარს“ ფანტასტიკური გოლი გაუტანა, მაგრამ ეს არც მოსაგებად იყო საკმარისი და არც ყაიმის დასაფიქსირებლად. ხორვატმა მოთამაშემ დაპირისპირების შემდეგ ჟურნალისტებთან ისაუბრა...

„ახლა ტირილის დრო არ არის. სასწრაფოდ ბევრი რამეა შესაცვლელი. ჩვენ პირველ ტაიმში მოედანზე ძალიან ცუდად ვიასპარეზეთ, მეორე ნახევარში კი ვაჩვენეთ, რომ გაცილებით უკეთესი ხარისხის ფეხბურთის ჩვენება შეგვიძლია.“

„არ ვიცი მთავარი პრობლემა რა იყო. პირველი ტაიმის შემდეგ ყველაფერი რადიკალურად შეიცვალა, მაგრამ 3 გოლის გატანა ვეღარ მოვახერხეთ. ჩვენ შეგვეძლო „ქამბექი“, მაგრამ არ გაგვიმართლა.“

„„შახტარი“ შესანიშნავი ფეხბურთელებით დაკომპლექტებული გუნდია. უნდა აღინიშნოს, რომ დონეცკელების შემადგენლობაში არაერთი სწრაფი და ტექნიკური მოთამაშე გამოდის, რომელთა გაჩერება მარტივი არ არის. ამ კოლექტივთან ჭიდილი ყველას უჭირს.“

„კარგია, რომ წინ „ელ კლასიკო“ გველის. ეს ჩვენთვის დამატებითი მოტივაცია იქნება და საკუთარ თავებს ვაჯობებთ.“