ედენ აზართან დაკავშირებით მუდმივად ახალი ინფორმაციები ვრცელდება, თუმცა სასიამოვნო ნამდვილად არცერთი არ არის.

გუშინ ცნობილი გახდა, რომ ბელგიელი ფეხბურთელი „რეალს“ კიდევ 1 თვე ვერ დაეხმარება. რა სჭირს ედენს? რატომ გაპრობლემდა ამ ფეხბურთელის ფორმაში ჩადგომა ჯერ-ჯერობით უცნობია.

აუცილებლად უნდა აღინიშნოს, რომ „ჩელსიში“ მრავალწლიანი თამაშის დროს ბელგიელ წინახაზელს მგავსი პრობლემები არ ჰქონია.

„მარკა“ იუწყება, რომ ამ ეტაპზე მთავარი პრობლემა კუნთებშია, რომელსაც სრულფასოვანი მკურნალობა სჭირდება. ამავე წყაროზე დაყრდნობით, 20 ნოემბრის შემდეგ აზარი 100%-ით ჯანმრთელი იქნება და აღარ იარსებებს თუნდაც 1%-იანი რისკი, რომელიც მისი ტრავმის რეციდივს გამოიწვევს, სწორედ აქედან გამომდინარე, სამედიცინო შტაბთან კონსულტაციის შემდეგ ზიზუმ მიიღო გადაწყვეტილება, რომ ედენი ერთი თვის მანძილზე არ გამოიყენოს.

აზარი ასევე არ წავა ბელგიის ნაკრებში. მოგეხსენებათ ნოემბრის შუა რიცხვებში საკლუბო სეზონი მცირე პაუზას აიღებს და ფეხბურთელები ეროვნულ ნაკრებებში იასპარეზებენ.