მიუხედავად დიდი ანგარიშით მოგებისა, საქმეები არც თუ ისე იოლად იყო. პირველივე წუთებიდან პოზოს , მერჩანსა და ტორალბას ჰქონდათ საშუალება ანგარიში გაეხსნათ, მაგრამ მათ ეს შანსი ხელიდან გაუშვეს.

23–ე წუთზე კი ჰარპერმა გოლის გატანა მოახერხა და ტაბლოზე 1:0 დაფიქსირდა.

პირველმა გატანილმა გოლმა "თეთრებს" უფრო მეტი თავდაჯერებულობა შემატა და შესაბამისად სულ 6–ოდე წუთი იყო გასული, რაც ტორალბამ ტაბლოზე 2:0 დააფიქსირა. "თეთრებმა" პირველი ნახევარი ამ ანგარიშით დაასრულეს.

თამაშის მეორე ნახევარი ბავშვებისთვის ძალიან კარგად დაიწყო. მერჩანამ ტაიმის დასაწყისშივე მესამედ აიღო მეტოქეთა კარი (3:0). ბავშვები შესანიშნავ ფეხბურთს თამაშობდნენ და ბოლომდე იბრძოდნენ , რამაც თავისი შედეგი 52–ე წუთზე გამოიღო და ანგრაიში 4:0 გახდა. ამ შემთხვევაში შესანიშნავად ითამაშა პარრამ.

61–ე წუთზე "ლეგასმა" შეძლო პრესტიჟის გოლის გატანა (4:1). "მადრიდის რეალს" უფრო მეტი სურდა და მიიღო კიდეც. 65–ე წუთზე უკვე 5:1 იყო , გოლი ტორალბამ გაიტანა, ხოლო მატჩის დასრულებამდე რამდენიმე წუთით ადრე საბოლოო შედეგი პოზომ დააფიქსირა და ანგარიში 6:1 გახადა.

საბოლოო ჯამში შეიძლება ითქვას, რომ ბავშვთა ა ნაკრებს შესანიშნავი სეზონი ქონდა, მათ ამ სეზონში მარცხისთვის გემო არ გაუსინჯიათ, მხოლოდ და მხოლოდ ორი შეხვედრა დაასრულეს ფრედ, დანარჩენი კი მოიგეს.

სანტიაგო სანჩესის შეგირდებმა მთელი სეზონის განმავლობაში შესანიშნავი გუნდური თამაში აჩვენეს და სრულიად დამსახურებულად გახდნენ ჩემპიონები.

წყარო: Realmadrid.com