იშვიათად ფიქსირდება ფაქტი, როდესაც „რეალი“ ჩემპიონთა ლიგის მატჩს რამოსის გარეშე თამაშობდა. უნდა აღინიშნოს, რომ კაპიტანის გარეშე კლუბს ევროპის ყველაზე პრესტიჟულ ტურნირზე ძალიან უჭირს.

2019/20 წლების სეზონში „რეალმა“ რამოსის გარეშე „პსჟ“-სთან 3-0 წააგო, ხოლო „სიტისთან“ 2-1.

2018/19 წლების სეზონში „ბლანკოსს“ „აიაქსის“ წინააღმდეგ თამაში მოუწია სერხიოს გარეშე და მატჩი 1-4 დათმო, ამავე სეზონში „მერენგებმა“ მოსკოვის „ცსკა“-სთან სამარცხვინო, 0-3 მარცხი განიცადეს, სადაც კაპიტანი კვლავ არ იყო საქმეში.

2017/18 წლების სეზონში „ბლანკოსმა“ რამოსის გარეშე „იუვენტუსთან“ ითამაშა და 1-3 დამარცხდა.

ეს არის მხოლოდ მცირე ჩამონათვალი იმ მატჩებისა, რომელიც „რეალს“ კაპიტანის გარეშე ჰქონდა.

ფაქტია, რომ დაცვაში ესპანელის გარეშე თამაში წარმოუდგენელია.