ემილიო ბუტრაგენიომ „კადისთან“ დამარცხების შემდეგ „რეალის“ ფეხბურთელებს თამაშის ხარისხის გაუმჯობესებისკენ მოუწოდა.

„ლა ლიგაში ყველა გუნდი მაღალი დონისაა. დიახ, „კადისი“ დებიუტანტია, თუმცა უკვე 10 ქულას მოუყარა თავი. კარგად ვიცოდით, რომ ამ გუნდს 2 საშიში ფორვარდი ჰყავდა.“

„ვფიქრობ, „რეალის“ ფეხბურთელებმა თამაშის ხარისხი უნდა გააუმჯობესონ და ეს პროცესი „შახტართან“ მატჩიდან უნდა დაიწყოს.“

„ვიმედოვნებ, სერხიო რამოსის ტრავმა სერიოზული არ არის და ის უკრაინელებთან დაპირისპირებაში ჩვენთან ერთად იქნება. კაპიტანის როლი ძალიან დიდია.“

„ზიდანის 4 ცვლილება? ფრანგი მთავარი მწვრთნელია და გადაწყვეტილებებსაც თავად იღებს.“