ტონი კროოსი გერმანიის ეროვნულ ნაკრებში იყო გამოძახებული. „ბლანკოსის“ ნახევარმცველმა ტრავმა მოირჩინა და ლიოვის გუნდს ეხმარება.

გუშინ გერმანელებმა შვეიცარიელებთან შედეგიანი ფრე დააფიქსირეს. ბუნდესნაკრები 3:3-ს დასჯერდა.

ტონი კროოსისსთვის ეს დაპირისპირება ეროვნულ ნაკრებში მე-100 გამოდგა, საიდანაც მადრიდელმა 65 შემთხვევაში გამარჯვებას მიაღწია, აქტივში კი 17 გოლი და 19 „ასისტი“ ჩაიწერა, რაც ცოტა ნამდვილად არ არის.

კროოსის დებიუტი გერმანიის ნაკრებში 2010 წლის 3 მარტს, არგენტინის ნაკრების წინააღმდეგ შედგა.