ბრაჰიმ დიასის პროგრესი აშკარაა. ახალგაზრდა წინახაზელი „მილანში“ ბრწყინავს და ესპანური პრესა აქტიურად წერს, რომ ამ ყველაფერს ფლორენტინო პერესიც კარგად ხედავს. 2021 წლის ზაფხულში „ბლანკოსი“ აუცილებლად დაიბრუნებს დიასს, ვინაიდან მან აჩვენა, თუ რა შეუძლია. ახალგაზრდა ფეხბურთელს „რეალში“ დაბრუნების შესახებ ჰკითხეს.

„„ბლანკოსი“ ყველასთვის საოცნებო კლუბია, მე კი იქედან წამოვედი. იცით რატომ? იმიტომ, რომ მეტი სათამაშო დრო მიმეღო და დამემტკიცებინა, რომ გაცილებით უკეთესი ხარისხის ფეხბურთის შეთავაზება შემიძლია გულშემატკივრებისთვის.“

„ადრეც ვთქვი და ახლაც ვამბობ, რომ დაბრუნებაზე ჯერ არ ვფიქრობ, ვინაიდან მთელი სეზონი წინ მაქვს. ახლა ჩემი ამოცანა „მილანის“ დახმარებაა. არასდროს დამავიწყდება, როგორც დამხვდნენ „როსონერის“ ფეხბურთელები და როგორც მიმიღეს, როგორც ახალი სახე.“

„„რეალში“ მხოლოდ იმ შემთხვევასი დავბრუნდები, თუ ამას ზიდანი გადაწყვეტს და მეტყვის, რომ მის პროექტში საჭირო ვარ. ფრანგის ავტორიტეტი ნამდვილად დასაფასებელია, ჩვენ ერთმანეთთან შესანიშნავი ურთიერთობა გვაქვს, მაგრამ მე მსურს თამაში.“