მილანის ინტერის იტალიელმა მცველმა, მარკო მატერაციმ ინტერვიუ მისცა ჟურნალისტებს, სადაც განაცხადა, რომ ძალიან იმედგაცრუებული და დამწუხრებულია მაურინიოს გუნდიდან წასვლის გამო, მისი თქმით პორტუგალიელი სპეციალისტი მსოფლიოში საუკეთესოა და მისი დონის მწვრთნელი საუკუნეში ერთხელ იბადება...

"ჟოზეს წასვლის გამო ძალიან ნაწყენი ვარ. არამარტო მე, არამედ მთელი გუნდი იმედგაცრუებულია, მაურინიო შესანიშნავი ადამიანია და მისი კლასი ყველამ კარგად ვნახეთ, მართლაც დასანანია ასეთი დამრიგებლის სხვა გუნდში გადასვლა, მაგრამ ცხოვრება გრძელდება."

"პორტუგალიელი სპეციალისტი ამ დროისთვის მსოფლიოში საუკეთესოა, მისი დონის ტაქტიკოსსთან მე არასდროს მიმუშავია, მიუხედავად იმისა, რომ მრავალ მწვრთნელთან მქონია კავშირი."

"მაურინიომ ინტერში საკუთარი სიტყვა თქვა და კიდევ ერთხელ დაუმტკიცა ყველას თუ რას წარმოადგენს მისი პიროვნება. დიდი მადლობა ჟოზე! "