სამეფო კლუბის ფეხბურთელები განახევრებული შემადგენლობით ვარჯიშს განაგრძობენ. როგორც გუშინ, ასევე დღეს ზინედინ ზიდანმა რამდენიმე კასტილიელიც გამოიძახა...

სესიაზე დიდი ყურადღება დაეთმო ფიზიკური კონდიციების გაუმჯობესებას. ერთ-ერთი კომპონენტი აღმართზე, გარკვეული დისტანციის უსწრაფესად დაფარვა გახლდათ.

ვარჯიშის მეორე ნაწილი ბურთის ფლობას, კარში დარტყმებსა და ტაქტიკურ მონახაზებს დაეთმო.

ზიზუს განკარგულებაში ნაკრებში წასული ფეხბურთელების გარდა ყველა მოთამაშეა, კასტილიელები კი ფრანგი ლეგენდის რჩევებს გამოცდილების მიღების მიზნით იღებენ.