ლუკა მოდრიჩმა ღიად დაადასტურა, რომ მადრიდის „რეალთან“ ახალ კონტრაქტზე მოლაპარაკებები აქვს და კარიერის დასრულება სწორედ „ბლანკოსში“ სურს.

პერესი ზინედინ ზიდანს დიდ პატივს სცემს, ფრანგი სპეციალისტი კი ლუკიტა მოდრიჩთან კონტრაქტის გახანგრძლივებას ითხოვს.

„რეალის“ ხელმძღვანელობისთვის მოდრიჩის ასაკი თავსატეხია, ვინაიდან ნახევარმცველი უკვე 35 წლის გახლავთ, თუმცა ისიც უნდა აღინიშნოს, რომ ოქროს ბურთის მფლობელი არანორმალურად კარგ კონდიციაშია და ფიზიკური თვალსაზრისით არანაირი პრობლემა არ აქვს.

ხორვატიის ნაკრებიდან დაბრუნების შემდეგ პერესი მოდრიჩთან შეხვედრას და ახალი კონტრაქტის საბოლოო დეტალების გარკვევას გეგმავს.