ნაჩო ფერნანდესმა ლა ლიგის მიმდინარე სეზონში სადებიუტო მატჩი გამართა. ესპანელმა ფეხბურთელმა მატჩის შემდგომ კომენტარი გააკეთა.

„გამარჯვება მოვიპოვეთ, რაც ძალიან მნიშვნელოვანია. 3 ქულის წყალობით პირველ ადგილზე გადავინაცვლეთ. დიდი იმედი მაქვს, მადრიდის „რეალი“ ლა ლიგას ისევ მოიგებს.“

„ჩემთვის დაცვაში ნებისმიერი პოზიცია მისაღებია. ერთ დონეზე შემიძლია ასპარეზობა, როგორც დაცვის ცენტრში, ასევე მარჯვენა და მარცხენა ფლანგებზე.“

„ყოველთვის მზად ვარ გუნდისთვის ბოლომდე დავიხარჯო და ბოძებული შანსი გამოვიყენო.“

„ახლა მცირე შესვენება გველის, შემდეგ კი ძალიან მნიშვნელოვანი დაპირისპირებებია ჩანიშნული, მათ შორის ორი ჩემპიონთა ლიგაზე.“