მადრიდის „რეალის“ ფეხბურთელები ეროვნულ ნაკრებებში გამოიძახეს. ლა ლიგა 2 კვირიან პაუზას აიღებს და 17 ოქტომბერს დაბრუნდება, რის შემდეგაც ზინედინ ზიდანის გუნდს საკმაოდ რთული კალენდარი აქვს.

17 ან 18 ოქტომბერს „მერენგების“ მეტოქე დებიუტანტი „კადისი“ იქნება. 21-ში „ბლანკოსი“ ჩემპიონთა ლიგაზე გადაერთვება და „შახტარის“ დამარცხებას შეეცდება.

24 ან 25 ოქტომბერს „ელ კლასიკო“ შედგება, ხოლო 27-ში „ბლანკოსი“ გერმანიაში გაფრინდება და ადგილობრივ „გლადბახთან“ ჩემპიონთა ლიგის მეორე ტურს ითამაშებს.

ოქტომბრის ბოლოს, კერძოდ 31-ში კვლავ ლა ლიგაზე გადაერთვება და საშინაო არენაზე „უესკას“ მიიღებს, თუმცა ისიც უნდა აღინიშნოს,რომ ამ მატჩით ზუსტი თარიღი ჯერ კიდევ არ არის ცნობილი და შესაძლოა დაპირისპირება პირველ ნოემბერსაც შედგეს.

როგორც ხედავთ სანაკრებო პაუზის შემდეგ „ბლანკოსს“ 14 დღის მანძილზე 5 მატჩის ჩატარება მოუწევს.