კავანი არა „რეალში“, არამედ „ატლეტიკოში“?
ესპანური გამოცემების ცნობით, ედინსონ კავანისა და „რეალს“ შორის მოლაპარაკებები წარმატებით ვერ დასრულდა. მიუხედავად იმისა, რომ საქმეში სერხიო რამოსის ძმაც იყო ჩართული, ფლორენტინო პერესმა ურუგვაელი ფორვარდისთვის მაღალი ხელფასის გადახდაზე უარი განაცხადა.
კავანი მადრიდში იმყოფებოდა, თუმცა ჯერ-ჯერობით უცნობია, სად არის ახლა „პსჟ“-ს ყოფილი წინახაზელი.
„მარკას“ ინფორმაციით, კავანის დამატებაზე პრეტენზია დიეგო სიმეონემაც გამოთქვა, რომლის განკარგულებაშიც უკვე არიან ლუის სუარესი და დიეგო კოშტა.
ცნობილია, რომ ედინსონი სუარესის ახლო მეგობარია, ისინი ურუგვაის ნაკრებშიც ერთდ უტევენ.
თუ ჩოლო სიმეონეს კლუბის პრეზიდენტს ენრიკე სერეზოს დაიყოლიებს და კავანის მაღალ ხელფასს გადაუხდის, ედინსონის „როხიბლანკოს“ რიგებში გადასვლა სავსებით რეალური გახდება.
- 28 სექტემბერი 2020
- 1 470
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
