სერხიო რამოსმა „ბეტისს“ „პანენკა“ შეუსრულა და მადრიდის „რეალის“ გამარჯვებაში დიდი წვლილი შეიტანა. კაპიტანმა მატჩის შემდეგ ჟურნალისტებთან ისაუბრა...

„პირველი 15 წუთი შესანიშნავი იყო. ბევრი მომენტი შევქმენით და შემდეეგ გოლის გატანაც მოვახერხეთ. სამწუხაროდ, ერთ-ერთ მომენტში 100%-იანი საგოლე შანსი გავუშვი ხელიდან, სხვა შემთხვევაში ანგარიში 0-2 გახდებოდა და ჩვენ დიდ უპირატესობას მოვიპოვებდით.“

„„ბეტისს“ უყვარს ბურთის ფლობა და მომენტების შექმნა. მნიშვნელოვანია, რომ პირველი ტაიმის შემდეგ თამაშში გარდატეხა შევიტანეთ და ვცდილობდით, რომ გამარჯვება მოგვეპოვებინა. ბედნიერი ვარ დღევანდელი დღით, თუმცა ვაცნობიერებ, რომ სამუშაო ბევრია.“

„ფინანსური სოლიდარობა? ამ საკითხზე ბევრ საუბარს ახლა ნამდვილად არ ვაპირებ. რამდენიმე თვის წინ „რეალის“ ყველა ფეხბურთელი დათანხმდა კომპრომისზე წასვლასა და ხელფასის შემცირებას.“

„„პანენკა“? ასეთ სტილში იმიტომ დავარტყი, რომ გატანაში დარწმუნებული ვიყავი.“