მადრიდის „რეალს“ კიდევ ერთი ფეხბურთელი გამოაკლდა. ჯერ კიდევ გუშინ საღამოს ზინედინ ზიდანმა „ბეტისთან“ მატჩის განაცხადი დაასახელა, სადაც მარსელო ვიეირაც იყო შეყვანილი, მაგრამ ბრაზილიელი გუნდთან ერთად ანდალუსიაში ვერ გაფრინდა.

ესპანური გამოცემების ცნობით, ვიცე-კაპიტანს ზურგის ტრავმა აწუხებს და თამაშისთვის მზად არ არის.

ხვალ მარსელო სამედიცინო შემოწმებას გაივლის, რის შედეგადაც დადგინდება, რა სახის დაზიანებასთან გვაქვს საქმე და რამდენიმე ხანი დასჭირდება განაპირა მცველს სარეაბილიტაციოდ.