„მარკა“ საკმაოდ მოულოდნელ ინფორმაციას ავრცელებს.

რენე რამოსი, რომელიც სერხიო რამოსის ძმა და ამასთანავე აგენტიც გახლავთ, ედინსონ კავანის შეხვდა და მისი მინდობილი პირი გახდა.

ამავე წყაროზე დაყრდნობით, რენე რამოსი გუშინ საღამოს მადრიდის „რეალის“ ხელმძღვანელობას დაუკავშირდა და კავანის ტრანსფერზე ესაუბრა.

იგივე „მარკა“ იუწყებოდა, რომ „ბლანკოსმა“ კავანის ტრანსფერი დაბლოკა, თუმცა როგორც სჩანს ვითარება შეცვლილია.

სამეფო კლუბის პირობა შემდეგნაირია - კავანი ხელფასის მნიშვნელოვან შემცირებას უნდა დათანხმდეს. თუ ურუგვაელი კომპრომისზე წავა, ფლორენტინო პერესი მასთან 1 წლიან კონტრაქტს მოაწერს ხელს.

დაველოდოთ მოვლენათა განვითარებას.