ესპანური გამოცემების ცნობით, მადრიდის „რეალისა“ და სერხიო რამოსის მოლაპარაკებები ახალ კონტრაქტთან დაკავშირებით დასკვნით ფაზაში შევიდა და დიდი ალბათობით სექტემბრის ბოლომდე შეთანხმებას ხელი მოეწერება.

კაპიტანი „ბლანკოსთან“ ხელშეკრულებას 2022 წლის ზაფხულამდე გაახანგრძლივებს, მისი ანაზღაურება კი იგივე დარჩება.

აქამდე არსებული მოლაპარაკებები, რომელიც ხელშეკრულების 2023 წლამდე გახანგრძლივებას ეხებოდა დასრულებულია. როგორც სჩანს, ფლორენტინო პერესმა პოზიცია არ შეცვალა.

ახალი კონტრაქტის ამოწურვის დროს, სერხიო 36 წლის იქნება.

ამასთანავე ვრცელდება ინფორმაცია, რომლის მიხედვითაც, „ბლანკოსი“ ამ გადაწყვეტილებით სტანდარტს არ არღვევს, რომელიც 33 წლის და უფრო მაღალი ასაკის ფეხბურთელებისათვის მხოლოდ 1 წლიან კონტრაქტებს ითვალისწინებს. რამოსის შემთხვევაში კი არ იქნება გამორიცხული, 2022 წელს დამატებით 1 წლიანი კონტრაქტიც ვიხილოთ, ეს ყველაფერი ფეხბურთელის სათამაშო კონდიციასა და გუნდში არსებულ მდგომარეობაზე იქნება დამოკიდებული.