ლუიშ ფიგუმ მადრიდის „რეალის“ სატრანსფერო პოლიტიკა გააკრიტიკა.

„ჯერ კიდევ მაისის ბოლოს ანონსდებოდა, რომ „რეალის“ ბალანსზე 35-ზე მეტი ფეხბურთელი ირიცხებოდა, რომელთა გარკვეული რაოდენობის მომავალი უნდა შეცვლილიყო. ვფიქრობ, ფლორენტინო პერესი ძალიან სწორად მოიქცა, რომ ამდენი ფეხბურთელი გაყიდვა, სხვაგვარად ბიუჯეტის შევსება ვერ მოხერხდებოდა, თანაც გუნდში ამ მოთამაშეების საჭიროებაც აღარ იყო, თუმცა არის მეორე მხარე, რომელსაც „მერენგები“ არ ითვალისწინებენ, რაც ძალიან სამწუხაროა.“

„ჩვენ ვხედავთ გაძლიერებულ „ბარსელონას“, „ატლეტიკოს“ და სხვა ჩემპიონატების გრანდებს. ამის ფონზე აშკარაა, რომ „რეალი“ პირიქით დასუსტდა. გუნდი დატოვა სებალიოსმა, ხამესმა, ბეილმა და კიდევ რამდენიმე ისეთმა ფეხბურთელმა, რომელზეც დიდი გათვლის გაკეთება შეიძლებოდა.“

„ის, რაც „რეალში“ ხდება საშიში და გაუმართლებლებელია. დიახ, პატივს ვცემ ნიჭიერ ახალგაზრდებს, თუმცა ერთადერთი რგოლი, რომელშიც „ბლანკოსს“ პრობლემა არ ექნება ნახევარდაცვაა. ვფიქრობ, კაზემირო-მოდრიჩი-კროოსის ტრიო კვლავ უკონკურენტო იქნება, მაგრამ თამაშებს მხოლოდ ნახევარმცველები ვერ იგებენ.“

„4 ოქტომბრამდე კიდევ არის იმის დრო, რომ ესპანური კლუბის ხელმძღვანელობამ სხვა გუნდების გადაწყვეტილებებს შეხედოს და თავადაც ანალოგიურად იმოქმედოს. სამეფო კლუბის თავდასხმა ვერანაირ კრიტიკას ვერ უძლებს და გარდატეხას საჭიროებს.“