კილიან მბაპეს ფასი მნიშვნელოვნად მცირდება, რაც „პსჟ“-ს ძალიან სერიოზულ სანერვიულოს უჩენს.

ფრანგმა ფეხბურთელმა აწ უკვე გასულ ზაფხულს „პსჟ“-სთან ახალი კონტრაქტის გაფორმებაზე უარი 2-ჯერ განაცხადა.

მიმდინარე ხელშეკრულებას ვადა 2022 წლის ზაფხულში ეწურება, აქედან გამომდნარე, ალ ჰელაიფი ყველაფერს აკეთებს, რომ ფრანგმა ფეხბურთელმა ახალ კონტრაქტს მოაწეროს ხელი, რომელსაც ვადა 2026 წლის ზაფხულში გაუვა.

2021 წელს კილიანს „რეალში“ გადასვლა სურს და ფლორენტინო პერესის ამოცანაც უფრო მარტივი იქნება. „მარკას“ ინფორმაციით, დროის გასვლასთან ერთად მბაპეს ფასიც მცირდება, ვინაიდან ფეხბურთელი თავისუფალი აგენტის სტატუსისკენ მიიწევს.

გამოთვლებით, 2021 წლის ზაფხულს, როდესაც მბაპეს პარიზელებთან კონტრაქტით მხოლოდ 1 წელი ექნება გათვალისწინებული, ფეხბურთელის ფასი 100 მილიონ ევროს ვერ გადააჭარბებს, ვინაიდან სხვა შემთხვევაში მოთამაშე კლუბში კიდევ 1 წლით, 2022 წლამდე დარჩება და თავისუფალი აგენტის სტატუსს მიიღებს.

ფრანგული გამოცემების ცნობით, 2020 წლის ბოლომდე „პსჟ“ მბაპეს საბოლოო წინადადებით მიმართავს, რომელიც ამ ეტაპზე ფორმირების პროცესშია. თუ კილიანი კიდევ უარს განაცხადებს, ჰელაიფი დარწმუნდება, რომ მისი გაყიდვა გარდაუვალია.