სამეფო კლუბის ყოფილმა ცენტრ-ფორვარდმა, რუუდ ვან ნისტელროიმ განაცხადა, რომ უესლი სნეიდერს "ბლანკოსში" დაბრუნებას ურჩევს, რადგან თეთრების მთავარი მწვრთნელი ჟოზე მაურინიო გახდა, რომელსაც უნდა უმადლოდეს სნეიდერი, რომ ასე კარგად გაიხსნა...

"უესლი რეალშიც უმაღლეს დონეზე თამაშობდა, მაგრამ აშკარად გამოჩნდა, რომ ინტერში ერთი-ორად გაიზარდა, ეს კი პორტუგალიელი სპეციალისტის დამსახურებაა. მან მოახერხა და უესლის საუკეთესო თვისებების გამოვლენაში დაეხმარა. მაურინიო, რომ ინტერში დარჩენილიყო მომავალ სეზონში კიდევ უფრო ძლიერ სნეიდერს ვიხილავდით, მაგრამ ასე არ მოხდა."

"მსოფლიოში ცნობილია ის ფაქტი, რომ რეალმა შესაძლოა ჩემი თანამემამულე დაბრუნება ისურვოს. თუ ასე მოხდა, მე მას ვურჩევ, რომ გადადგას ეს ნაბიჯი, რადგან არ მოშორდეს პორტუგალიელ სპეციალისტს. დარწმუნებული ვარ უესლის განვითარებაში მაურინიო კიდევ დიდ წვლილს შეიტანს."

"მომავალი სეზონიდან "ბლანკოსი" ალბათ ყველაზე სახიფათო გუნდი იქნება, რადგან მათ შესანიშნავი მწვრთნელი ეყოლებათ სათავეში, რომელიც ძალიან ამბიციურია და ყველაფერს დაკვირვებით აკეთებს."