იტალიური „რომა“ ლუკა იოვიჩის 1 წლიანი იჯარით წაყვანით ინტერესდება.

სერბი ფეხბურთელის მომავალი ჯერ კიდევ გაურკვეველია.

დაახლოებით 1 კვირის წინ ვრცელდებოდა ინფორმაცია, რომლის მიხედვითაც, ლუკა ზიდანთან რჩებოდა, თუმცა შემდეგ ბევრი რამ შეიცვალა.

ამ ეტაპზე ზიზუ ბორხა მაიორალის დატოვებაზე ფიქრობს, იოვიჩს კი 1 წლით წასვლისკენ მოუწოდებს, რათა მეტი სათამაშო პრაქტიკა მიიღოს და „ბლანკოსში“ გაცილებით ძლიერი დაბრუნდეს.

„რომა“ მზად არის, ფეხბურთელის იჯარაში 3.5 მილიონი ევრო გადაიხადოს და ლუკას ხელფასიც მთლიანად დაფაროს. ჯერ-ჯერობით უცნობია, რა პოზიციას აქვს სერია „ა“-ში გადასვლასთან დაკავშირებით თავად ფეხბურთელს, თუმცა ადრე მას „ნაპოლი“ და „მილანიც“ ეპატიჟებოდნენ.