მადრიდის „რეალსა“ და „რენს“ შორის ედუარდო კამავინგას ტრანსფერთან დაკავშირებით სერიოზული მოლაპარაკებები მიმდინარეობს...

„ბლანკოსი“ ახალგაზრდა ნახევარმცველს 6 წლიან კონტრაქტს სთავაზობს, საიდანაც ედუარდო პირველ სეზონს კვლავ „რენში“ გაატარებს.

პერესი სხვა დათმობებზეც მიდის. „რეალი“ მზად არის, „რენში“ ყოფნის დროს კამავინგას ხელფასი „რეალმა“ გადაიხადოს და ეს ის ციფრი იყოს, რომელიც 6 წლიან კონტრაქტში ეწერება, თუმცა ფრანგული მხარე გარკვეულ დათმობებზე უნდა წავიდეს.

კერძოდ, „ბლანკოსს“ კამავინგასთვის 70 მილიონი ევრო არ აქვს გამოყოფილი, „რენი“ კი კომპრომისზე არ მიდის.

ესპანური გამოცემების ცნობით, „მერენგების“ ხელმძღვანელობა მაქსიმუმ 55 მილიონი ევროს გადახდას გეგმავს და მოლაპარაკებები სწორედ ამიტომ იწელება.

დაველოდოთ მოვლენების განვითარებას...