იტალიური და ესპანური პრესის ცნობით, ნაჩო ფერნანდესი შესაძლოა „მილანის“ რიგებში გადავიდეს.

ესპანელ ფეხბურთელს „ბლანკოსი“ 10-12 მილიონ ევროდ ყიდის. ნაჩეტეს რამდენიმე მსურველი ჰყავდა, ბოლო შემოთავაზება „რეალმა“ „ბენფიკასგან“ მიიღო, მაგრამ ესპანელმა ფეხბურთელმა ჩათვალა, რომ პორტუგალიის ჩემპიონატში გადასვლა მისთვის უკანგადადგმული ნაბიჯი იქნებოდა.

ახლა ასპარეზზე „როსონერი“ გამოვიდა, რომელიც მზად არის, ფერნანდესს 4 წლიან ხელშეკრულება შესთავაზოს.

„მილანში“ თვლიან, რომ ნაჩოს გამოცდილება ამ ეტაპზე მათი გუნდისთვის ძალიან მნიშვნელოვანია.

გარდა ამისა, იტალიური გამოცემები იუწყებიან, რომ „შავ-წითლები“ ბრაჰიმ დიასის საიჯარო ტრანსფერს რამდენიმე საათში დაადასტურებენ.“