ბრიტანული გამოცემების ცნობით, ხამეს როდრიგესი „ევერტონის“ სამედიცინო შტაბს ხვდება. დღევანდელ სესიაზე ზინედინ ზიდანმა კოლუმბიელი ფეხბურთელი არ გამოიძახა, რათა მოთამაშემ ლივერპულურ კლუბთან ყველაფერი შეათანხმოს...

არაერთი ავტორიტეტული გამოცემის ცნობით, ხამესი „ევერტონთან“ 4 წლიან კონტრაქტს მოაწერს ხელს, მისი წლიური ანაზღაურება კი 4.5 მილიონი ევრო იქნება.

აღსანიშნავია, რომ აღნიშნული ანაზღაურება თითქმის 50%-ით მცირეა, ვიდრე ფეხბურთელს მადრიდში ჰქონდა.

დღეს ან ხვალ დღის ბოლომდე კოლუმბიელი ფეხბურთელის „ევერტონში“ გადასვლა გაოფიციალურდება, მისი სატრანსფერო ღირებულება კი 30 მილიონ ევროს მიაღწევს.