გერმანულ პრესაზე დაყრდნობით, ბრემენის ვერდერი, სამეფო კლუბის ბრაზილიელი ფეხბურთელით არის დაინტერესებული. საუბარია მარსელოზე, რომელის მანუელ პელეგრინის ერთ-ერთი უსაყვარლესი ფეხბურთელია...

ბრაზილიელი მოთამაშით ბრემენელები წინა სატრანსფერო ფანჯრის დროსაც იყვნენ დაინტერესებულები, მაგრამ მოლაპარაკებები ჩიხში შევიდა, მიზეზად კი ის დასახელდა, რომ "მუსიკოსთა" ხელმძღვანელობა მარსელოს სანაცვლოდ მხოლოდ 8 მილიონ ევროს იმეტებდა, ხოლო ესპანური მხარე 12-14 მილიონს ითხოვდა.

გერმანული გამოცემა BILD წერს, რომ ბრემენელები მზად არიან კვლავ წამოიწყონ მოლაპარაკებები "ბლანკოსის" ხელმძღვანელობასთან ბრაზილიელის თაობაზე, ამავე წყაროზე დაყრდნობით გერმანელები თანხის გაზრდასაც აპირებენ.

"სამეფო კლუბში" ამ დროისთვის მარცხენა მცველთან დაკავშირებით არც ისე კარგად არის საქმე, ამიტომ ბრაზილიელის წასვლა დღის წესრიგში არ დგას, მაგრამ ვარაუდობენ, რომ თუკი "ბლანკოსი" მოახერხებს მარცხენა კვალიფიციური მცველის შეძენას, მაშინ ყველაფერი შეიძლება მოხდეს და ვიეირაც ბრემენში გადაბარგდეს.